"****ü"

Ako ay nagtataka sa aking sarili,
Kung bakit 'pag nakita ka'y 'di mapakali.
Ano ba'ng mayroon ka at ako'y nabighani,
At ikaw ang babaing aking napili?

O, kayhirap pigilin ng aking nararamdaman,
Gayong alam ko namang kayraming iba riyan.
Ngunit, ikaw pa rin ang aking pinapangarap.
Makasama ngayon, bukas at sa hinaharap.

Anong sarap isiping tayo'y magkapilin'
At sabay humabi ng mga pangarap natin.
Ang sinasabi ng iba'y 'di natin papansinin,
Dahil wala silang alam sa ating damdamin.

Ngunit 'di ko alam kung ito'y pangarap lamang..
At baka gawa-gawa lamang ng aking isipan.
Ngunit, isa lang sa akin ang katotohanan...
Na ikaw ay aking mamahalin magpakailanman.